Жаңажол Қуанышбек - грек-рим күресінен жасөспірімдер арасында әлем чемпионы 

Жаңажол Қуанышбек (45 келі) Грекия астанасы Афины қаласында грек-рим күресінен 17 жасқа дейінгі жасөспірімдер арасында әлем чемпионы атанды, деп хабарлайды Sport12.kz. 

Ол Астана қаласындағы «Күрес түрлері бойынша олимпиадалық даярлау орталығы» РМҚК Жақсылық Үшкемпіров атындағы жекпе-жек сарайында тәлім алады. Оны жарысқа аға жаттықтырушы Асхат Жанбиров, - жаттықтырушы Жарқын Тұрсынов дайындады. 

Сондай-ақ ел құрамасынан Нұрдәулет Кұмарұлы (48 келі), Асқар Нұрәли (55 келі) күміс жүлдегер атанса, Досбол Шамил (65 келі) қола медаль иесі болды.

https://kaz.inform.kz/news/grek-rim-kuresnen-alem-chempionatinda-kazakstandik-baluandar-tagi-ek-zhulde-aldi-2d16b1/

Сондай-ақ енді ел құрамасынан Базарбек Данияр (51 келі), Ақон Дамир (60 келі), Мейірбекұлы Марлен (71 келі), Макхамбаев Марданбек (80 келі), Тойшы Əділет (92 келі), Советхан Бақтұp (110 келі) әлем чемпионатына қатысты.

Айта кетсек, қазақстандық төрешілер 2025 жылғы күрес түрлері бойынша әлем чемпионатында қызмет атқарады.

Біріккен күрес әлемі (UWW) жариялаған 2025 жылы Хорватияның Загреб қаласында өтетін әлем чемпионатында қызмет атқаратын төрешілер қатарында Игорь Лигай мен Ерік Жұмабеков бар.