Ризабек Айтмұханның басты қарсыласы әлем чемпионатына қатыспайды

Екі дүркін олимпиада чемпионы Абдулрашид Садулаев спорттық күрестен Загребте өтетін әлем чемпионатына қатыспайтыны анықталды, деп хабарлайды Sport12.kz сайты Ресей спорттық күрес федерациясына сілтеме жасап.

Турнир 13–21 қыркүйек аралығында Хорватияда өтеді.

«Ресей құрамасының капитаны, екі мәрте Олимпиада чемпионы Абдулрашид Садулаев Загребте өнер көрсетпейді. Оған шенген визасы берілмеді. Оның орнын Хорватияға кіруіне рұқсат алған Магомед Курбанов басады», — делінген хабарламада.

Абдулрашид Садулаев жарысқа қатысуға World Wrestling ұйымынан рұқсат алған балуандар тізіміне енгізілген болатын.

Абдулрашид Садулаев 92 келіге дейінгі салмақ дәрежесінде қазіргі әлем чемпионы саналады. Финалдық белдесуде ол 2020 жылғы Олимпиада чемпионы, америкалық Дэвид Тейлорды 7:0 есебімен жеңген еді.

Біздің серіктес: 200 000 фрибетті ұтысқа саламыз – арнаға жазыл және батырманы бас