Азамат Дәулетбеков әлем чемпионатында сенсация авторы атанды

Загребте (Хорватия) өтіп жатқан күрес түрлерінен әлем чемпионатында қазақстандық еркін күрес шебері Азамат Дәулетбеков ширек финалға жолдама алды, деп хабарлайды Sport12.kz

86 келіде сынға түскен отандасымыз 1/8 финалда Беларусь намысын қорғайтын дағыстандық балуан, Токио Олимпиадасының күміс жүлдегері және турнирдің үшінші нөмірлі спортшысы Магомедхабиб Кадимагомедовпен белдесті. Қарсылас әлемдік рейтингте жетінші орында тұрса, Дәулетбеков тек 42-сатыда еді. Әйтсе де қазақстандық балуан сенімді түрде 8:1 есебімен басым түсті.

Айта кетейік, Азамат Дәулетбеков — үш дүркін Азия чемпионы және екі мәрте әлем чемпионатының қола жүлдегері. 

Біздің серіктес: 200 000 фрибетті ұтысқа саламыз – арнаға жазыл және батырманы бас