Асылжан Есенгелді әлем чемпионатының қола жүлдесі үшін күреседі 

Асылжан Есенгелді (61 келі) Хорватия астанасы Загребте өтіп жатқан күрес түрлерінен әлем чемпионатының қола жүлдесіне таласады, деп хабарлайды Sport12.kz.

Еркін күрес шебері бағана жұбаныш кезеңінде армениялық қарсыласы Манвел Хндзрцянның жауырынын жерге тигізді. Енді Астана уақытымен түнде Есенгелді америкалық Джаксен Патрик Форрестпен қола медаль иегерін анықтайды.

Айта кетейік, Асылжан - 61 кг дейінгі салмақта 23 жасқа дейінгі палуандар арасындағы әлем чемпионатының күміс жүлдегері.

Ал іріктеуде Болат Сақаев (-79 кг) Ибрагим Метехан Япракқа (Түркия), Әділет Әлмұхамедов (-57 кг) Арыйан Тютринқа (UWW) есе жіберді. Біздің спортшылардың жұбаныш кезеңіне қатысу, қатыспауы қарсыластарының нәтижесіне байланысты.

Біздің серіктес: 200 000 фрибетті ұтысқа саламыз – арнаға жазыл және батырманы бас