Ризабек Айтмұхан әлем чемпионатында жүлдесіз қалды

Ризабек Айтмұхан мен Начын Куулар үшін әлем чемпионаты аяқталды, деп хабарлайды Sport12.kz.

Спортты дамыту дирекциясының хабарлауынша, Хорватия астанасы Загребте еркін күрестен ересектер арасындағы әлем чемпионаты жалғасып жатыр. Бүгін бозкілемге шыққан екі спортшымыз Ризабек Айтмұхан (-97 кг) мен Начын Куулар (-65 кг) жүлдеге қол жеткізе алмады. 

Начын Кууларды 1/8 айналымда жеңген Ибрагим Ибрагимов (UWW) ширек финалда Париж Олимпиадасының чемпионы Котаро Киёокадан ұтылып қалды. Ал Ризабек Айтмұхан есе жіберген Магомед Курбанов ширек финалда Париж Олимпиадасының чемпионы Ахмед Тажудиновтен ары өте алмады.

Осылайша, Ризабек пен Начын ертеңгі жұбаныш кезеңіне қатыса алмайды.

Біздің серіктес: 200 000 фрибетті ұтысқа саламыз – арнаға жазыл және батырманы бас