Айдос Сұлтанғали: тарихты жаңарту маған бұйырыпты

Хорватия астанасы Загребте өтіп жатқан грек-рим күресінен әлем чемпионатында топ жарған Айдос Сұлтанғали алғашқы пікірін білдірді, деп хабарлайды Sport12.kz

• Қалай да болсын, алтынды елге алып келгім келді. Шүкір, қолдан келді. Барлық қолдау көрсеткен жанкүйерлерге, бапкерлерге, жақындарыма алғыс айтқым келеді. Әзірше әлем чемпионы екенімді сезінбедім. Өзім осы жаһандық додаға жіті дайындалып, 100 пайыз дайын келдім. Көргендеріңіздей, финал мерзімінен бұрын бітті. Шүкір, тарихты жаңарту маған бұйырыпты. Осының барлығы ата-анамның, қазақ халқының жасаған дұғасының арқасында болды деп білемін. Енді алтын медальмен елге ораламыз!", - деді Айдос Сұлтанғали.

Айта кетейік, жерлесіміз кеше Хорватиядағы бәсекенің іріктеуінде Максвелл Хоппер Блэкті (АҚШ), Мелкаму Фетенені (Израиль), ширек финалда Париж Олимпиадасының қола жүлдегері, Азия ойындарының қола жүлдегері Сеун Лиді (Солтүстік Корея) жықты. Жартылай финалда Амиран Чавадзеден (Грузия) мықты екенін дәлелдеген болатын.

Біздің серіктес: 200 000 фрибетті ұтысқа саламыз – арнаға жазыл және батырманы бас