25.06.2023
«Астананың» осы жазда құрамын күшейтпек
Астана ФК
«Серый CARDINAL» Telegram-арнасы Чемпиондар лигасының іріктеу кезеңі басталар алдындағы «Астананың» трансферлік жаңалықтары туралы хабарлады.
«Алдағы күндердің бірінде «Астана» бір легионерінен бас тартады. Осылайша, басқа шетелдік ойыншыға орын босайды. Жалпы, трансферлік терезе біткенге дейін бірнеше позицияны ауыстыру жоспарлануда. Сондықтан астаналықтар еурокубок ел чемпионатының шешуші матчтарына күшейтілген құрамда келеді», - деп жазады дереккөз.
Кеше Григорий Бабаянның шәкірттері ҚПЛ-да «Каспийді» 3:1 есебімен ұтқан болатын.
