17.08.2023
Әлем чемпионаты: Еркін күрестен Ризабек Айтмұхан күміс алды
![Әлем чемпионаты: Еркін күрестен Ризабек Айтмұхан күміс алды](https://sport12.kz/static/images/news/db489bd560be4f490c47c069dd31a2d1.jpg?6f0390a1288991f4d1a1e1d5d5b8d653)
Иордания астанасы Амманда күрес түрлерінен 20 жасқа дейінгі балуандар арасындағы әлем чемпионаты өтіп жатыр. Бүгін Қазақстан алғашқы жүлдесіне қол жеткізді, деп хабарлайды Sport12.kz.
Еркін күрестен 92 келіге дейінгі салмақта сынға түскен Ризабек Айтмұхан күміс жүлдеге қол жеткізді. Ол финалда Иран елінің өкілі Мохаммадмобин Голомалиге есе жіберді.
Оған дейін жерлесіміз қырғызстандық Нұрболат Абдулұлын 7:0 есебімен ұтса, кейін канадалық Самуэль Миклос Мария Перейраны 10:0 есебімен жеңді. Жартылай финалда қазақ балуаны грузиялық Георгий Ромелавшилиден 11:1 есебімен басым түсті.
Еске сала кетейік, Ризабек Айтмұхан ересектер арасындағы Азия біріншілігінің күміс жүлдегері, 23 жасқа дейінгі спортшылар арасындағы Азия чемпионатының жеңімпазы.
Бүгін қыздарымыз 50, 55, 59,65 және 76 келіде алдын-ала белдесулер өткізіп, құрама сапынан жалғыз ақтөбелік Алина Ертөстік ертең жұбаныш белдесуінде Польша спортшысы Даниэль Ткачупен кездесетін болды. Ертең әйелдер күресінен күрама сапында спортшыларымыз қалған салмақтарда бақтарын сынайды.
![](https://sport12.kz/static/images/banners/84941767ae2492f344cc0a89bcdfbb5a.jpg?8f8f7f23bde34b3694225517aa65eeaf)