21.08.2024
Әлем чемпионаты: грек-рим күресінен қазақстандық екі балуан күміс алды
![Әлем чемпионаты: грек-рим күресінен қазақстандық екі балуан күміс алды](https://sport12.kz/static/images/news/c979f14884f7c1d07a134b98d27bcc58.jpg?9e5a3a577daf4a94b3daf45aec9cb657)
Иорданияның Амман қаласында өтіп жатқан күрес түрлерінен 17 жасқа дейінгі спортшылар арасындағы әлем біріншілігінде қазақстандық балуандар екі күміс медаль алды.
Грек-рим күресінен Алпамыс Болатұлы (51 келі) финалда америкалық Джэйден Рэйниден 5:7 есебімен жеңіліп, күміс медаль иеленді.
Сондай-ақ Еркебұлан Анапия (80 келі) финалда нейтралды спортшы Михаил Шкаринге 0:3 есебімен жол беріп, екінші орынға жайғасты.
Ал 48 келіде қола медальға таласқан Едіге Төлеутаев 1:3 есебімен әзербайжандық Амрах Амраховтан жеңіліп, жүлдеден тыс қалды.
![](https://sport12.kz/static/images/banners/84941767ae2492f344cc0a89bcdfbb5a.jpg?4bb428d3ee98455ef4a45afc261ae29b)