25.09.2024
Қырғыз балуанының қанынан допинг табылды: Диас Қален Азия чемпионы атанды
Қазақстан күрес түрлері федерациясы
Грек-рим күресінен 82 кг дейінгі салмақтағы Ұлттық құрама палуаны Диас Қаленге былтырғы Азия чемпионатының алтын медалі берілді.
Ол 2023 жылы көктемде Астанада өткен чемпионаттың финалында Ақылбек Талантбековке (Қырғызстан) аса тартысты белдесуде есе жіберген (2-3).
Халықаралық тест жасау агенттігінің (International Testing Agency) мәліметінше, қырғыз спортшысының 2023 жылғы 10 сәуірдегі анализінен тыйым салынған препарат (метастерон) анықталған. Осыған байланысты Ақылбек 4 жылға спорттан шеттетілді.
