30.09.2024
Дзюдодан Қазақстан әйелдер құрамасы Азия кубогына дайындалуда
Фото: Қазақстан дзюдо федерациясы
Дзюдодан Қазақстан әйелдер ұлттық құрама командасы Түркістан облысында оқу-жаттығу жиынын өткізуде.
Жаттығу жиынына барлығы 50-ден астам татами шебері қатысып жатыр. 23 қыркүйек күні басталған оқу-жаттығу жиыны 8 қазанға дейін жалғасады.
Аталмыш жиын құрама спортшылары үшін Азия кубогі және кезекті Grand Slam кезеңіне соңғы дайындық болып саналады.
Айта кетерлігі, Grand Slam кезеңі Абу-Дабиде, ал Азия кубогі 12-13 қазан күндері Ақтау қаласында өтеді.
