Грэпплингтен әлем чемпионатында Нұрайым Мұңайтпасова күміс алды

Астана қаласындағы Жақсылық Үшкемпіров атындағы Жекпе-жек сарайында өтіп жатқан грэпплингтен әлем чемпионатында ересектер арасындағы бәсеке басталды.

ҚР Туризм және спорт министрлігі Спортты дамыту дирекциясының баспасөз қызметнің хабарлауынша, грэпплингтің ноу-ги түрінен алғашқы жүлделер өз иесін тапты. Қазақстан Ұлттық құрамасының спортшылары 1 күміс, 4 қола жүлдеге қол жеткізді.

Атап айтар болсақ, Нұрайым Мұңайтпасова (58 кг) финалда қарсыласына есе жіберіп, 2-орынға табан тіреді. Ол біреше жыл бұрын Испанияның Понтеведра қаласында өткен әлем чемпионатында күміске ие болған.

Сондай-ақ бүгін Нұрбек Талбудин (71 кг), Әлихан Алшынбай (58 кг), Арулан Құрманалиев (62 кг), Бекзат Қапашев (66 кг) өз салмағында үздік үштікті түйіндеді.

Бүгін грэпплингтің ги түрінен мықтылар анықталады.