11.01.2025
Астанада қазақ күресінен «Дала қырандары» турнирі басталды
Фото: Қазақ күресі федерациясы
Бүгін, 11 қаңтарда Астанадағы Жақсылық Үшкемпіров атындағы жекпе-жек сарайында «Дала қырандары» турнирі басталды.
Ел біріншілігінде 8 салмақ дәрежесі бойынша 64 спортшы қатысады.
Турнирге қатысатын белгілі балуандар:
• Бекжан Төлепов – Әлем чемпионы, Әлем кубогының иегері, «Дала қырандары» турнирінің екі дүркін чемпионы!
• Жұмажан Қожамбеков – екі дүркін әлем чемпионы, V Дүниежүзілк Көшпенділер ойындары мен Жекпе-жек ойындарының жеңімпазы!
• Ерсұлтан Мұзаппаров – әлем чемпионы, V Дүниежүзілік Көшпенділер ойындарының жеңімпазы!
• Алтынбек Аусағитов – Азия мен Әлем кубоктарының жеңімпазы!
• Нұрдәулет Жарылғапов – Әлем және Азия чемпионы, «Дала қырандары» турнирінің екі дүркін жеңімпазы!
• Ерасыл Қажыбаев – «Қазақстан барысы – 2024» турнирінің жеңімпазы, екі дүркін күміс жүлдегері.
Тікелей эфирді «Qazsport» телеарнасынан көре аласыздар.
