Australian Open-2025: Қазақстандық теннисшілердің қанша табыс тапқаны белгілі болды

Мельбурнде жалауын желбіреткен Аустралия ашық чемпионатында қазақстандық теннисшілер бүгін, тоғызыншы сайыс күнінде толығымен жарыс жолын аяқтады.

Назарларыңызға отандастарымыздың аталмыш турнирден қанша теңге табыс тапқанын ұсынамыз.

Елена Рыбакина – 138,55 миллион теңге. Қазақстандық теннисшілердің арасында жарыс жолын ең соңғы болып аяқтаған спортшы. Елена турнирдің 1/8 финалына дейін жетіп, Мэдисон Кизге есе жіберді.

Юлия Путинцева – 102,26 миллион теңге. Отандасымыз турнирдің 1/16 финалында Дария Касаткинаға жол берді.

Александр Бублик пен Александр Шевченко – 50,14 миллион теңге. Қазақстандық қос теннисші турнирде екі санатта да (жекелей, жұптық) өнер көрсетіп, жарыс жолын ерте аяқтады.

Александр Недовесов – 6,59 миллион теңге. Жұптық сында бәсекеге түскен отандасымыз, алғашқы айналымнан әрі аса алмады.

Тимофей Скатов, Дмитрий Попко және Михаил Кукушкин – 11,54 миллион теңге. Аталған үш теннисшімізде турнирдің 1/64 финалында қарсыластарына жол берген.

Осылайша теннистен Қазақстан құрамасы Australian Open-2025 турнирін аяқтады. Еске сала кетейік, аталмыш дода 26 қаңтарға дейін жалғасын табады.

Біздің серіктес: 200 000 фрибетті ұтысқа саламыз – арнаға жазыл және батырманы бас