25.03.2025
Қазақстандық 3 балуан Азия чемпионатының жартылай финалына шықты
Фото: Спортты дамыту дирекциясының баспасөз қызметі
Иордания астанасы Амманда өтіп жатқан күрестен Азия чемпионатында 3 отандасымыз жартылай финалда жолдама алып үлгерді.
Бұл жөнінде Спортты дамыту дирекциясы мәлім етті.
Грек-рим күресінен Әсет Сұлтанұлының (63 кг) ізін жалғап, Шамиль Ожаев (87 кг) пен Әлімхан Сыздықов (130 кг) ақтық сынға бір табан жақындай түсті.
Шамиль әлем чемпионы (U20) Асан Жанышевтан (Қырғызстан) жеңісті соңғы секундтарда жұлып алды. Әлімхан Әли Талиб Әл-Шариидың (Ирак) осал тұсын тапты.
