Қайрат Сағадиев: Жоспарды 80%-ға орындадық

Қазақстан әйелдер күресі құрамасының бас бапкері Қайрат Сағадиев Амманда өткен Азия чемпионатын қорытындылады, деп хабарлайды Sport12.kz

Қазақстандық спортшылар бір «алтын» және бір «қола» медаль жеңіп алды. Жалпы медальдық есепте Қазақстан Қырғызстанмен бірге бесінші орынды бөлісті.

«Қазақстан үшін өте қуанышты күн. Жәмилa Бақбергенова қатарынан төртінші рет Азия чемпионатын жеңді. Ол әрдайым тұрақты нәтиже көрсетеді. Бастапқы жоспарымыз – бір "алтын" және екі "қола" алу еді. Медальдық жоспарды 80%-ға орындадық. Тағы екі "қоланы" жеңіп алуға мүмкіндік болды. Алдағы жоспарларға келсек, жақында Қазақстан чемпионаты өтеді. Сол турнирде әлем чемпионатына іріктеу жүргіземіз», – деді бапкер.

Айта кетейік, 28 наурызда Жәмилә Бақбергенова әйелдер күресінен Азия чемпионатында Қазақстанға алтын медаль алып келді.