Азия чемпионаты: Азамат Дәулетбеков финалдық жолдама үшін күреседі

Иорданияның Амман қаласында өтіп жатқан еркін күрестен Азия чемпионатында қазақстандық балуан Азамат Дәулетбеков жартылай финалға жолдама алды.

92 келіге дейінгі салмақ дәрежесінде күш сынаған ұлттық құрама спортшысы ширек финалда еш қиындықсыз қытайлық Лин Зушеннен 7:1 есебімен басым түсті.

Жартылай финал белдесулері еліміздің уақытымен сағат 15:30-ға жоспарланған.

Азамат Дәулетбеков — еркін күрестен Азияның 3 дүркін (2022, 2023, 2024), Қазақстанның 6 дүркін (2015, 2016, 2017, 2020, 2021, 2023) чемпионы. Сондай-ақ Сербияның Белград қаласында өткен әлем чемпионаттарында 2 жыл қатарынан (2022, 2023) қола жүлдені қанжығасына байлаған.