2 күн бұрын
Азия чемпионаты: Қос балуанымыз алтын медальға таласады
Азамат Бақи
Фото: Спортты дамыту дирекциясы
Иордания астанасы Амман қаласында өтіп жатқан еркін күрестен Азия чемпионатында екі қазақстандық балуан финалға жолдама алды.
74 келіге дейінгі салмақ дәрежесінің жартылай финалында Нұрғожа Қайпанов ирандық Мұхаммед Реза Шакериден 6:1 есебімен басым түсті.
Ал 86 келіде бақ сынаған Болат Сақаев Қытай спортшысы Цао Нанды 12:1 нәтижесімен жеңіп шықты.
Азия чемпионы атағы сарапқа салынатын белдесуде Қайпанов қырғыз балуанымен күш сынасса, Сақаев Иран өкілімен шын мықтыны анықтайды.
20:00-де басталатын чемпиондық текетірестерді ел аумағында Qazsport және Sport+ арналары тікелей эфирде көрсетеді.
