Күрес: Азия чемпионатында неше жүлде бұйырды?

Иордания астанасы Амманда күрес түрлерінен ересектер арасындағы XXI Азия чемпионаты аяқталды.

Шешуші жарыс күні еркін күрестен Ұлттық құраманың бозкілем шеберлері 1 алтын, 1 күміс, 1 қола олжалады.

Нұрқожа Қайпанов (74 кг) – алтын

Болат Сақаев (86 кг) – күміс

Азамат Дәулетбеков (92 кг) – қола

Жалпы Қазақстан құрамасы бұл доданы (грек-рим, әйелдер, еркін күрес) 2 алтын, 4 күміс, 5 қола медаль жеңіп алып, жалпы командалық есепте 5-орынға табан тіреді.

Біздің барлық жүлдегерлер:

• Нұрқожа Қайпанов (74 кг) – алтын
• Жәмилә Бақбергенова (72 кг) – алтын
• Әлімхан Сыздықов (130 кг) – күміс
• Ризабек Айтмұхан (97 кг) – күміс
• Болат Сақаев (86 кг) – күміс
• Омар Сатаев (82 кг) – күміс
• Азамат Дәулетбеков (92 кг) – қола
• Зейнеп Баянова (53 кг) – қола
• Ибрагим Магомадов (77 кг) – қола
• Шамиль Ожаев (87 кг) – қола
• Рахат Қалжан (57 кг) – қола

Былтыр Қырғызстан астанасы Бішкекте өткен сары құрлық додасында Қазақстанға 2 алтын, 4 күміс пен 6 қола медаль бұйырған. Бұл жалпы есептегі 5-саты еді.