Күрестен Қазақстанның болашақ жұлдыздары аталды

Еркін күрестен Қазақстан жастар құрамасының жаттықтырушысы Еркебұлан Кешубай Sport+ телеарнасының құрметті қонағы атанып, болашағы зор жас балуандарды атап өтті.

— «97 келіде Камиль Куруглиев деген жас балуан бар. Оның әкесі Магомед Куруглиев бұрын күрескен. Камиль қазіргі таңда жастар арасындағы чемпионатта барлық қарсыластарын жеңіп, былтыр Азия чемпионы атанды, Әлем чемпионатының қола жүлдегері. 125 келіде Едіге Қасымбай есімді спортшы бар. Бұл балуан да Олимпиадада өз өнерін көрсетуі мүмкін деп сенемін. Ал 57 келіде Тараз қаласының тумасы Нұрданат Айтанов бар. Бұл жас өрендердің жетістіктері Қазақстанда жас спортшылардың дамуының жарқын көрінісі. Енді бізге соларды дұрыс әрі сапалы түрде дайындау басты міндет болып табылады», — деді Еркебұлан Кешубай.