Еркін күрестен Олимпиада және Әлем чемпионы мансабын аяқтады

Еркін күрестен Олимпиада және Әлем чемпионы, жапониялық балуан Такуто Отогуро 26 жасында мансабын аяқтады.

Бұл туралы ол өзінің әлеуметтік желісінде хабарлады.

— Көпшілік үшін бұл күтпеген жаңалық болуы мүмкін, алайда мен мансабымды аяқтау туралы шешім қабылдадым. Мен әрдайым ауыр мінезді, болмысы бөлек балуан болдым деп ойлаймын. Алайда ештеңеге өкінбеймін. Себебі сүйікті ісіммен айналысу мүмкіндігіне ие болдым – оны жек көріп кеткен кезіме дейін,– деп жазды ол.

Такуто Отогуро – 65 келіге дейінгі салмақ дәрежесінде Токио-2020 Олимпиадасының чемпионы, 2018 жылы Будапештте өткен Әлем чемпионатының алтын жүлдегері. Сонымен қатар Нью-Дели (2020) мен Алматыда (2021) өткен Азия чемпионаттарының жеңімпазы.