Грек-рим күресінің жаңа ережесі: Енді алғашқы ұпайдың маңызы артады

Грек-рим күресінің ережесіне өзгерістер енгізіледі.

Бұл шешім Халықаралық күрес федерациясы техникалық комиссиясының отырысында қабылданды.

United World Wrestling ұйымының мәліметіне сәйкес, егер классикалық күрестегі белдесу 1:1 есебімен аяқталса, жеңіс алғашқы ұпайға ие болған балуанға беріледі.

Бұл өзгеріс балуандардың белсенділігін арттырып, күресті жанкүйерлер үшін қызықты әрі тартысты етуге бағытталған. Көп жағдайда спортшылар тек соңғы минуттарда ғана белсенділік танытып, қарсыласынан соңғы ұпайды жұлып алуға тырысады. Енді алғашқы ұпайдың да маңызы зор болмақ.

Жаңа ереже жақында өтетін грек-рим күресінен Еуропа чемпионатында сынақтан өткізіледі.