Ақжүрек Таңатаров: Олимпиада жүлдегерлері ешқашан ескерусіз қалған емес

Елімізде бірнеше күннен бері Париж Олимпиадасының жүлдегерлеріне берілетін сыйақы мен пәтерлердің әлі берілмегені қызу талқыға түскені белгілі. Аталған жағдайға қатысты еркін күрестен Лондон Олимпиадасының қола жүлдегері Ақжүрек Таңатаров спортшылардың Париждегі ойындардан кейін мемлекет тарапынан берілуі тиіс сыйақының кешігуіне қатысты шағымдарын сынға алды, деп хабарлайды Sport12.kz

Белгілі балуан аталған жағдайдың допинг жанжалдарымен қандай байланысы бар екенін алға тартып, мәселеге қатысты пікір білдірген.

«Қазақстанда Олимпиада жүлдегерлері ешқашан ескерусіз қалған емес. Біздің еліміз спортшыларға қаржылай қолдау көрсету жағынан әлем бойынша үздік ондықтың қатарына кіреді. Алайда, бір нәрсені түсінуіміз керек. Бұл қаражат – жай ғана мемлекеттік ақша емес, бұл – халықтың салығы мен зейнетақы қорларынан жиналған ресурс. Сондықтан бұған ерекше жауапкершілікпен қарау қажет», – деді Таңатаров.