Мэйвезер мен Пакьяо реванш өткізуі мүмкін

Аңызға айналған қарсыластар — Флойд Мэйвезер мен Мэнни Пакьяо қайта кездесуі мүмкін. Бұл жолы жекпе-жек жай ғана көрме форматында емес, нағыз чемпиондық белбеу үшін өтуі мүмкін, деп хабарлайды sportarena.kz.

46 жастағы Пакьяо жақында рингке қайта оралып, WBC белбеуі үшін Марио Барриоспен күш сынасқан еді. Кездесу тең аяқталғанымен, филиппиндік боксшыға деген қызығушылық артты. Көптеген жанкүйер енді Мэйвезермен реванш өткізу мүмкіндігін талқылап жатыр.

Ал америкалық Флойд Мэйвезер ресми түрде мансабын аяқтағанымен, соңғы жылдары бірнеше көрме жекпе-жектеріне қатысып жүр. БАҚ мәліметінше, ол қазір Майк Тайсонмен кездесу өткізуді жоспарлап отыр.

Осы жағдайдан кейін жаңа мәлімдеме жасалды, IBA Pro Series ұйымының басшысы Эл Сиеста екі тарап келіссе, чемпиондық титул тігілген ресми жекпе-жек өткізуге дайын екенін айтты.

«Егер Мэйвезер келіссе және Пакьяо бұл жекпе-жекке қызығушылық танытса, біз оны IBA аясында ұйымдастырып, чемпиондық белбеуді сарапқа саламыз», — деді Сиеста.

Алдын ала мәлімет бойынша, Netflix оқиғаның ұйымдастырушысы болуға дайын. Реванш 2026 жылдың сәуір айында, яғни олардың тарихи айқасынан 13 жыл өткен соң өтуі мүмкін.

Біздің серіктес: 200 000 фрибетті ұтысқа саламыз – арнаға жазыл және батырманы бас