Қазақстан боксшылары Нью-Делидегі жарыс күнін сәтсіз аяқтады

Нью-Делидегі World Boxing Кубогының финалдық кезеңінде өткен кезекті жекпе-жек күнінде Қазақстан құрамасы күткен нәтижеге жете алмады. Рингке көтерілген бес боксшының ішінде тек біреуі ғана жеңіске жетті.

Бұл күні ел намысын Нурзат Оңғарұлы (50 кг), Нұрсұлтан Алтынбек (55 кг), Нүрбек Мүрсәл (70 кг), Аман Қонысбеков (75 кг) және Бекзат Танатар (90 кг) қорғады. Қазақстанд ықтар арасындағы жалғыз жеңісті 70 келіде жұдырықтасқан Нүрбек Мүрсәл тіркеді — ол қырғыз боксшысы Ихтияр Нишоновты ұтып, жарысты жалғастыру құқығын алды.

Қалған боксшылар қарсыластарына жол берді. Үш спортшы жергілікті спортшылардан жеңілді:

• Нурзат Оңғарұлы — Джадумани Сингхқа,

• Нұрсұлтан Алтынбек — Паван Бартвалға,

• Бекзат Танатар — Навин Кумарға есе жіберді.

Кештің ең тартысты кездесулерінің бірі 75 кг салмақта өтті. Қазақстандық Аман Қонысбеков Өзбекстан боксшысы Жавохир Абдурахимовпен жұдырықтасып, тартысты жекпе-жекте төрешілердің бөліне шыққан шешімімен жеңілді.

Бұл сәтсіз күн Қазақстан құрамасының Кубок әлеміндегі жағдайын ауырлата түсті. Дода 20 қарашаға дейін жалғасады.

Біздің серіктес: 200 000 фрибетті ұтысқа саламыз – арнаға жазыл және батырманы бас