Қазақстан Әлем кубогында бокс бойынша бесінші орынға шықты

Халықаралық World Boxing федерациясы 2025 жылғы Әлем кубогының финалының нәтижелерін жариялады. Турнир Нью-Делиде (Үндістан) өтті.

Қорытынды бойынша Қазақстан құрамасы медальдық есепте 5-орынға шықты. Оның қоржынында 1 алтын, 1 күміс және 6 қола медаль бар.

Командалық есепте турнирдің иесі Үндістан алдыңғы қатарда: олардың боксшылары 9 алтын, 6 күміс және 5 қола жеңіп алды. Екінші орында Өзбекстан — 4 алтын, 5 күміс және 4 қола медаль. Үштікті Англия қорытындылады — 2 алтын, 1 күміс және 3 қола медаль.

Айта кетейік, финал 16-20 қараша аралығында өтіп, 2025 жылғы халықаралық ұйымның соңғы турнирі болды.

Біздің серіктес: 200 000 фрибетті ұтысқа саламыз – арнаға жазыл және батырманы бас