23.02.2025
Азия ойындарының жүлдегері әлем кубогында сәтсіздікке ұшырады
Азамат Бақи
Фото: Тұрар Қазанғапов/ҰОК баспасөз қызметі
Қазақстандық спортшы Аяна Жолдас фристайл-акробатикадан әлем кубогының финалына шыға алмады.
Қытайдың Бэйдайхэ тау-шаңғы курортында өтіп жатқан фристайлдан әлем кубогында Аяна Жолдас іріктеу кезеңінен әрі аса алмады.
Шаңғы акробатикасында сынға түскен отандасымыз іріктеу кезеңінде 19-шы орынға тұрақтады.
Еске салсақ, Аяна Жолдас Қытайдың Харбин қаласында өткен IX Қысқы Азия ойындарында 1 күміс және 2 қола медаль жеңіп алған еді.
Біздің серіктес: Olimpbet қосымшасын пайдалан
