Абзал Бейсебеков «Астана» сапындағы 300-ші матчын өткізді

Қвзақстан Премьер-лигасы 11 турында «Астананың» 32 жастағы қорғаушысы Абзал Бейсебеков «Елімайға» қарсы (2:0) кездесуде елордалық клуб сапында 300-ші матчын өткізді, деп хабарлайды Sport12.kz.

Абзал Бейсебеков 2009 жылы 6 сәуірде «Атырауға» қарсы ойында елордалық клуб үшін премьер-лигада дебют жасады. Ол бастапқы құрамда шығып, оны 88-минутта Мұрат Сүйімағамбетов ауыстырды. 

«Астана» құрамында ол 15-ші нөмірлі жейдемен ойын көрсетеді. Клуб сапында ол 14 гол соқты. 

Сондай-ақ, Абзал Бейсебеков қазақстан чемпионатында «Қайрат» (16 матч) және «Восток» (23 матч) сапында ойын көрсетті. 

Қазақстанның барлық жасөспірімдер және жастар құрамалары сапында доп тепкен. 

Қазақстан Ұлттық құрамасы сапында 2014 жылдық қазан айында Чехия құрамасына қарсы ойында дебют жасаған. Абзал осы уақытқа дейін еліміздің басты командасы сапында 28 ойын өткізген.  

"Астана" сапына 2009 жылы қосылды. Клуб тарихындағы гол соққан ең жас ойыншы.

Еурокубоктерде алаңға шығып, бір гол соққан ("Хапоэл" қақпасына). 

КПЛ-да ойнаған матчтар бойынша Абзал «Астана» командасының рекордсмені болып табылады. 

Қазақстан чемпионатында ол барлығы 339 матч өткізіп, 14 гол соқты. Бұл көрсеткіш бойынша елімізде Нұрбол Жұмаскалиев («Тобыл») - 448, Руслан Иманқұлов («Шахтер») - 364, Андрей Финонченко («Шахтер») - 344 ойынмен алғашқы орындарда келеді.