Ла Лиганың үздік ойыншысы ресми жарияланды

«Барселона» клубының бразилиялық шабуылшысы Рафинья Испания чемпионатының өткен маусымдағы ең үздік ойыншысы болып танылды, деп хабарлады Sport12.kz

28 жастағы футболшы Примерада 36 матчқа қатысып, 18 гол соғып, 9 нәтижелі пас берген. Жоғары статистикасының арқасында Рафинья жанкүйерлер мен мамандар арасында өткен дауыс беру нәтижесінде қарсыластарынан озып шықты.

Ол бұл атаққа «Барселона» сапындағы әріптестері Ламин Ямаль, Роберт Левандовский мен Педриді, сондай-ақ «Реал Мадрид» ойыншылары Килиан Мбаппе, Винисиус Жуниор мен Джуд Беллингемді, «Бетистен» Иско мен «Атлетик Бильбаоның» жартылай қорғаушысы Ойан Сансетті артта қалдырды.

Рафинья каталондық клубқа 2022 жылдың жазында қосылған. Transfermarkt порталының мәліметі бойынша, футболшының қазіргі нарықтық құны — 80 миллион еуро.