3 сағат бұрын
«Қайсардың» басты футболшылары жарақат алды
Азамат Бақи
Фото: «Қайсар» ФК
«Қайсар» футбол клубының ойыншылары Айбол Әбікен, Айбар Жақсылықов және Қуаныш Қалмұратов жарақат алды, деп хабарлайды Sport12.kz.
Бұл туралы клубтың бас бапкері Виктор Кумыков мәлімдеді.
— Өкінішке қарай, құрамда жарақат алған ойыншылар бар. Команда көшбасшылары Қалмұратов, Әбікен және Жақсылықов қазір жаттығуға қатыспай жүр. Жақсылықовтың өкпесі қабынған. Сонымен қатар Думан Нәрзілдаев пен бірнеше футболшы жеңілдетілген бағдарлама бойынша жаттығып жатыр. Ал қалған ойыншылар толық құрамда дайындық жүргізуде, – деді «Қайсар» бас бапкері.
Айта кетейік, қызылордалық ұжым Қазақстан Премьер-лигасында 12 ойында 11 ұпай жинап, 10-орында келеді.
