Қаршыға Дәуітбектің Rizin лигасындағы келесі қарсыласы белгілі болды

Қаршыға Дәуітбек 19 жастағы спортшымен шайқасады

Қазақстандық спортшы Қаршыға Дәуітбектің Rizin лигасындағы келесі қарсыласы белгілі болды, деп хабарлайды Sport12.kz.

Қаршыға келесі жекпе-жегін 19 жастағы Киома Акимотоға (8-1) қарсы өткізеді. Оның осы лигадағы көрсеткіші — 3 жеңіс, 1 жеңіліс. 

Жартылай жеңіл салмақтағы (66 келі) жекпе-жек 27 шілдеге жоспарланған. Токио маңындағы әйгілі Saitama Super Arena (36 мың орындық) аренасында өтеді – дәл осы жерде Геннадий Головкин 2022 жылы Риота Муратаны нокаутқа түсірген болатын.

Айта кетейік, 31 жастағы Қаршыға Жапонияда өткізген барлық төрт жекпе-жегінде жеңіске жеткен.

Біздің серіктес: Бізге тіркел!