Cолтүстік Македонияға қарсы ойында қақпа бағанын кім күзетеді?

Қазақстан ұлттық құрамасының бас бапкері Әли Әлиев Солтүстік Македонияға қарсы ойынның алдында баспасөз жиынын өткізді, деп хабарлайды Sport12.kz

Осы орайда журналистер алдағы ойында қақпа бағанасында кімге сенім артатынын сұрады.

«Тағы да қайталап айтамын. Бізде барлық қақпашылармен байланыс жасайтын арнайы қақпашылар жаттықтырушысы бар. Құрамымызда Заруцкий де, Сейсен де, Шайзада да бар. Олар барлығы өз клубтарында бәсекелестікте жеңіп жүр. Бірақ бұл жерде психологиялық факторлар өте маңызды.

Стас Покатиловпен Беларуське қарсы ойынға ғана шығу туралы келісім болған. Сол себепті бәрі өз бақылауымызда. Артық себеп іздемеңіздер», — деді бапкер.

Айта кетейік, Қазақстан – Солтүстік Македония арасындағы матч 9 маусым күні 19:00-де «Астана Арена» стадионында өтеді.