3 сағат бұрын
Криштиану Роналду: балаларым Испания чемпион болады деген еді
Қанат Байұзақов
Португалия құрамасының шабуылшысы Криштиану Роналду УЕФА Ұлттар лигасының финалында Испанияны жеңгеннен кейін (2:2, пенальтиден 5:3) жеңісті әзілмен еске алды, деп хабарлайды Sport12.kz
40 жастағы футболшы бұл матчта бір гол соғып, 88-минутта жарақатына байланысты алаңнан кетті.
Madrid Universal басылымына берген сұхбатында Роналду өз отбасындағы қызықты жайтпен бөлісті:
«Менің балаларым – испан. Үйде үнемі әзілдеп: "Чемпиондық Испанияға кетеді" – деп мені түртпектейді. Енді олар мені көбірек құрметтейтін болады (күліп)».
Бұл жеңіс Роналдудың Португалия құрамасындағы үшінші ірі титулы болды. Бұған дейін ол 2016 жылғы Еуропа чемпионаты мен 2019 жылғы Ұлттар лигасында топ жарған.
