5 сағат бұрын
«Қайраттың» Чемпиондар лигасы екінші іріктеу кезеңіндегі ықтимал қарсыластары анықталды
Фото: fckairat.com
Алматылық «Қайраттың» футболдан UEFA Чемпиондар лигасы екінші іріктеу кезеңіндегі ықтимал қарсыластары анықталды, деп хабарлайды Sport12.kz
Кеше, 17 маусымда алматылық команданың аталған турнирдің бірінші іріктеу кезеңінде Словенияның «Олимпия» командасымен кездесетіні белгілі болған еді.
Командалар 8/9 шілдеде Люблянада және 15/16 шілдеде Алматыда жарыстың келесі сатысына берілетін жолдаманы сарапқа салады.
Екінші іріктеу кезеңіне шыққан жағдайда алматылық клуб КуПС (Финляндия) мен «Милсами» (Молдова) жұбының жеңімпазымен кездеседі. Ойындар 22/23 шілде және 29/30 шілдеге белгіленген.
Егер «Қайрат» «Олимпияға» есе жіберген жағдайда Конференция лигасы екінші іріктеу кезеңіне жолдама алады.
Енді Еуропа лигасында «Ақтөбе», Конференция лигасында «Ордабасы» мен «Астананың» екінші іріктеу кезеңіндегі қарсыластары анықталады.
