«Ақтөбенің» Еуропа лигасы екінші іріктеу кезеңіндегі ықтимал қарсыласы анықталды

Қазақстандық «Ақтөбе» футбол клубының UEFA Еуропа лигасы екінші іріктеу кезеңіндегі ықтимал қарсыласы анықталды, деп хабарлайды Sport12.kz.

Алдымен олар бірінші іріктеу кезеңінде Польшаның «Легия» (Варшава) клубына қарсы ойнайды. Ойындар 10 және 17 шілдеге жоспарланған.

Бұл жұпта жеңімпаз болған жағдайда ақтөбелік клуб Чехияның «Баник» клубымен шеберлік байқасады. Бірінші ойын 24 шілдеге жоспарланса, жауапты кездесу 31 шілдеге жоспарланған.

Айта кетсек, бұдан бұрын алматылық «Қайраттың» Чемпиондар лигасы бірінші және екінші іріктеу кезеңіндегі қарсыластары анықталды. 

Олар алдымен Словенияның «Олимпия» командасымен кездесесе, келесі кезеңге шыққан жағдайда КуПС (Финляндия) мен «Милсами» (Молдова) жұбының жеңімпазымен жасыл алаңға шығады.

Енді Конференция лигасында «Ордабасы» мен «Астананың» екінші іріктеу кезеңіндегі қарсыластары анықталады.