10 сағат бұрын
«Ұлытау» төрт футболшымен қош айтысты
Фото: «Ұлытау»футбол командасы
Жезқазғанның «Ұлытау» командасы құрамынан төрт ойыншы кетті, деп хабарлайды Sport12.kz.
Қорғаушы Доминик Боловинцев мансабын басқа клубта жалғастырады.
Футболшы ФК “Ұлытау” сапына 2025 жылы қосылды. Осы уақыт ішінде барлық турнирлерде 2 ойынға қатысты.
Орталық қорғаушы Дінмұхаммед Қашкен мансабын басқа клубта жалғастырады.
Футболшы “Ұлытау” құрамын 2025 жылдың басында толықтырды. Жалпы алғанда, біздің сапымызда 5 ойынға қатысты.
Жартылай қорғаушы Аскат Ермекұлы енді мансабын «Жетісай» клубында жалғастырады.
Ол “Ұлытау” сапына 2024 жылы қосылып, Премьер-лига, Бірінші лига және Екінші лига аясындағы кездесулерде алаңға шықты. Жалпы алғанда, 11 ресми ойында клуб намысын қорғады.
Жартылай қорғаушы Байжан Мәделхан мансабын Жетісай сапында жалғастырады.
Футболшы “Ұлытау” сапына 2025 жылдың басында қосылды. Ол клуб құрамында Қазақстан Премьер-лигасы мен Екінші лига аясында өткен барлық турнирлерде жалпы 7 ойын өткізіп, 2 голдың авторы атанды.
