06.09.2024
Ұлттар лигасы: Қазақстан Норвегиямен тең ойнады
Сурет Қазақстан футбол федерациясы
Бүгін, 6 қыркүйекте Қазақстан құрамасы UEFA Ұлттар лигасындағы алғашқы ойынын Норвегияға қарсы өткізді.
Ел құрамасы В лигасы үшінші тобында Норвегия, Словения және Австрия құрамаларымен сынға түседі.
Бірінші кезеңде норвегиялық футболшылар тізгінді өз қолында ұстауға тырысты. Олар шабуыл шебінде жиі бой көрсетті. Десе де Игорь Шацкий қорғаған қақпаға айтарлықтай қауіп төндіре қойған жоқ. Қазақстандық құрама негізінен қорғанысқа көбірек көңіл бөлді.
Екінші кезең басталғаннан Эрлинг Холанд пен оның командлас әріптестері алға қарай ұмтылды. Десе де діттеген мақсатына жете алмай жатты. Кейбір сәтте қазақстандық футболшылардың да гол соғатын мүмкіндігі болды.
Қос құрама 0:0 есебіне қанағат білдіріп тарасты.
Енді ел құрамасы 9 қыркүйекте сырт алаңда Словениямен шеберлік байқасады.