16.09.2024

5-ші Дүниежүзілік көшпенділер ойындары: Цифрлар мен деректер

5-ші Дүниежүзілік көшпенділер ойындары: Цифрлар мен деректер

8-13 қыркүйек аралығында елордада Ұлы даланы дүбірге бөлеген 5-ші Дүниежүзілік көшпенділер ойындары дүркіреп өтті.

Жер-жаһанның 90-ға жуық мемлекетінен келген 2500-ге тарта спортшы бір аптаға жуық көшпенді халықтардың төл спортынан сынға түсіп, 97 медаль жиынтығын сарапқа салды. Бұл жөнінде Sport12 сайты ҚР Туризм және спорт министрлігіне сілтеме жасап хабарлайды.

Қазақстан қоржынында қанша жүлде бар?

Алты күнгі аламанда Ұлттық құрама спортшылары 43 алтын, 32 күміс, 37 қола (жалпы 112 медаль) жүлде олжалап, жалпыкомандалық есепте бірінші орынға ие болды. Ойындарда жалпы саны 33 елдің спортшысы медаль иеленді. Жүлде алған мемлекеттер қатарында мұхиттың арғы бетінен келген Канада мен Мексика өкілдері де бар.

Қазақ күресіне қанша спортшы қатысты?

Дүбірлі дода аясында төл күресімізден өткен жарысқа әлемнің 44 елінен 294 палуан бақ сынады. Бұл – қазақ күресінің дүниежүзі бойынша қарқынды дамып келе жатқанының айқын көрінісі. Жүлде алған елдер қатарында көрші мемлекеттерден бөлек, Еуропа палуандары да бар. Атап айтқанда, қазақ күресінен белдесулерде Италия, Польша, Мажарстан, Нидерланд спортшылары жүлдеге қол жеткізді.

Жанкүйері көп болған спорт түрі

5-ші Дүниежүзілік көшпенділер ойындарында ең көп көрермен көкпар мен көкбөрі жарысына келді. «Қазанат» ипподромында өткен екі сайыстың да финалдық бәсекесін 20 мың (әр финалға 10 000 көрермен келді) жанкүйер тамашалады.

Ең көп спортшы алып келген елдер

Қазақстан құрамасының спортшыларын есепке алмағанда, биылғы ойындарға ең көп спортшыны Қырғызстан құрамасы қосты – 172 спортшы.

Ойындарға қатысқан ең жас спортшы - Хамза Амангелді. Аламан бәйгеде бақ сынаған Хамза небәрі 10 жаста.

Ең егде спортшы - 80 жастағы испаниялық Соледад Хименес Каррион. Ол дәстүрлі садақ ату сайысында өнер көрсетті.

Ойындарға қанша ерікті жұмылдырылды?

Спортшылар мен делегация өкілдеріне 1600 волонтер көмек көрсетті. Оның ішінде 20 шетелдік ерікті бар.

5-ші Дүниежүзілік көшпенділер ойындарына қанша жылқы мен құс қатыстырылды?

Көшпенділер ойындарында көп спорт түрі жылқылардың көмегімен ойналатын болған соң, биылғы додаға жалпы саны 499 бас жылқы қатысты. Оның ішінде 100 бас Ұлттық құраманың жылқысы, Ойындарды ұйымдастыру дирекциясы жылқысыз келген өзге елдердің қатысушылары үшін 300 бас жылқы жалға алған. Сондай-ақ, Қырғыз Республикасы – 91, Өзбекстан Республикасы – 8 бас жылқы әкелді.

Сонымен қатар жарыстарға әкелінген 41 құстың 9-ы ұлттық құрамаға, 8-і Қырғыз Республикасына тиесілі. 24 бас құсты өзге елдер үшін ҚР Құсбегілік федерациясы ұсынды.

«Қайрат» клубы Чемпиондар лигасында сенсация жасады

Футбол 5 сағат бұрын

«Қайрат» клубы Чемпиондар лигасында сенсация жасады

Қазақстандық қазіргі бессайыс федерациясының жаңа президенті сайланды

Басқа 6 сағат бұрын

Қазақстандық қазіргі бессайыс федерациясының жаңа президенті сайланды

Беларусьтік «Легия» шабуылшысы Ілия Шкурин «Ақтөбемен» қарымта матчқа саяси себептерге байланысты келмейді

Футбол 6 сағат бұрын

Беларусьтік «Легия» шабуылшысы Ілия Шкурин «Ақтөбемен» қарымта матчқа саяси себептерге байланысты келмейді

Sold out: «Қайрат» - «Олимпия» ойынына билеттер толықтай сатылып кетті

Футбол 9 сағат бұрын

Sold out: «Қайрат» - «Олимпия» ойынына билеттер толықтай сатылып кетті

Қазақстан құрамасының белді футзалшысы Лео «Семей» клубына келді

Футзал 13 сағат бұрын

Қазақстан құрамасының белді футзалшысы Лео «Семей» клубына келді

«Олимпия» бас бапкері Хорхе Симау: жолымыз болатынына сенемін

Футбол 14 сағат бұрын

«Олимпия» бас бапкері Хорхе Симау: жолымыз болатынына сенемін