2 күн бұрын
Жозе Моуриньо қандай жаза алды?
Қанат Байұзақов
«Фенербахче» командасының бас бапкері Жозе Моуриньо «Галатасараймен» Түркия кубогы аясындағы ойында болған жағдайдан кейін бірнеше матчқа шеттетілді, деп хабарлайды Sport12.kz.
Португалиялық маманды Түркия футбол федерациясы үш матчқа шеттетті, деп жазды журналист Ягиз Сабунчуоглу әлеуметтік желідегі парақшасында.
Еске салайық, «Галатасарай» 2:1 есебімен жеңіске жеткен матч аяқталғаннан кейін Моуриньо қарсыласының бас бапкері Окан Бурукқа жақындап, оның мұрнын тартып, содан кейін Бурук алаңға құлап қалған болатын. Матчтың төрешісі португалдық пен оның екі көмекшісіне қызыл қағаз көрсетті.
Тергеу кезінде Буруктың әрекеті арандатушылық деп танылғандықтан, қатаңырақ жаза тағайындамай туралы шешім қабылданған.
