Чемпиондар лигасына жолдама алған 24 клуб белгілі

Кеше түнде «Тоттенхэм» Еуропа лигасының финалында «Манчестер Юнайтедті» 1:0 есебімен жеңіп, турнирде топ жарды, деп хабарлайды Sport12.kz.

Осылайша, лондондық клуб тек чемпиондық атаққа ғана қол жеткізіп қоймай, қарт құрлықтың басты клубтық додасы Чемпиондар лигасына берілетін жолдамаға да ие болды.

Қазіргі таңда Чемпиондар лигасының келер маусымына қатысатын 24 клуб белгілі:

• Англия: «Тоттенхэм», «Ливерпуль», «Арсенал»;
• Италия: «Наполи», «Интер», «Аталанта»;
• Испания: «Барселона», «Реал», «Атлетико», «Атлетик», «Вильярреал»;
• Германия: «Бавария», «Байер», «Айнтрахт», «Боруссия» Дортмунд;
• Франция: «ПСЖ», «Марсель», «Монако»;
• Нидерланд: ПСВ, «Аякс»;
• Португалия: «Спортинг» Лиссабон;
• Түркия: «Галатасарай»;
• Чехия: «Славия»;
• Грекия: «Олимпиакос».

Айта кетейік, бұл тізімге әлі 12 команда қосылады. Ішкі біріншіліктерден 5 клуб тікелей өтсе, 7 жолдама іріктеу кезеңінде сарапқа салынады.