10 сағат бұрын
Рикардо «Какау» Камараның ұлттық құрама тізгінін ұстау мүмкіндігі бағаланды
Фото: ҚФФ
Рикардо «Какау» Камараның футзалдан Қазақстан ұлттық құрамасына келу мүмкіндігі белгілі болды, деп хабарлайды Sport12.kz.
Бұл жөнінде Қазақстан футзал қауымдастығының басшысы Нұрсұлтан Құрман өзінің подкастында айтып берді.
- Бұл маман үміткерлер тізімінде бар екенін жасырмаймыз. Ол өзінің бағдарламасын таныстыруға дайын. Десе де біз барлық үміткерді саралап шығамыз. Жаңа бас бапкердің есімі желтоқсан айының ортасында белгілі болады, - деді Нұрсұлтан Құрман.
Рикардо «Какау» Камара да бұдан бұрын Қазақстанда қызмет атқарды.
Оның жетекшілігімен алматылық команда 2013-2018 жылдары екі мәрте UEFA кубогының иегері атанса, төрт мәрте Еременко кубогында жеңімпаз болды. Сондай-ақ әлемнің суперкубогында жеңіс тұғырына көтерілді. Оған қоса Қазақстан құрамасын екі мәрте Еуропа чемпионаты жартылай финалына алып шықты. 2016 жылы құрлықтық додада қола жүлдегер атанды
Біздің серіктес: 200 000 фрибетті ұтысқа саламыз – арнаға жазыл және батырманы бас
