Футзал: Қазақстан құрамасы өз тобында нешінші орында тұр?

Қазақстан футзал құрамасы 2026 жылғы Еуропа чемпионатының іріктеу турнирінде үшінші жеңісіне қол жеткізді.

Астанада өткен матчта Қазақстан құрамасы Албанияны 4:2 есебімен жеңді. Осылайша, бес ойыннан кейін ұлттық құраманың еншісінде 10 ұпай бар (3 жеңіс, 1 тең ойын, 1 жеңіліс). 6-топтың турнирлік кестесінде Рикардо Кака шәкірттері екінші орында тұр.

Топ көшбасшысы – Армения, оның да 10 ұпайы бар, бірақ доп айырмашылығы жақсырақ және бір матч кем өткізген. Албания мен Дания құрамаларының әрқайсысында 3 ұпай (Албания – 5 ойын, Дания – 4 ойын).

Айта кетейік, Еуро-2026-ға тікелей жолдаманы тек топ жеңімпазы алады. Алайда екінші орын иегерінің де финалдық кезеңге шығу мүмкіндігі бар.