9 сағат бұрын
Константин Барулин «Барыстың» қақпашылар бапкері болды
Фото: «Барыс» хоккей клубы
Михаил Кравец жетекшілік ететін «Барыстың» бапкерлер құрамына Константин Барулин қосылды, деп хабарлайды Sport12.kz.
Ол қақпашыларды дайындауға жауапты болады.
Барулиннің хоккейдегі алғашқы қадамы Қарағандыда басталған. Ойыншы ретіндегі мансабында ол әлем чемпионатының элиталық дивизионында алтын, күміс және қола медаль жеңіп алған.
Құрлықтық хоккей лигасының үздік қақпашысы атанып, Жұлдыздар матчына алты мәрте қатысқан. Бапкерлік мансабында Константин Барулин Швецияның «Бурос» клубында жұмыс істеп, негізгі және жастар құрамындағы қақпашылардың дамуына үлес қосты.
