Олег Болякин: Біз әлі де күресеміз

Қазақстан құрамасының бас бапкері Олег Болякин кезекті жеңілістен кейін команда жағдайына қатысты пікір білдірді, деп хабарлайды Sport12.kz

— Біз әлі де күресеміз. Мұндай мүмкіндікті жіберіп алмау керек. Топ-дивизион — үлкен бедел. Сондықтан соған лайық күресуіміз қажет. Біздің жанкүйерлер жоғары деңгейдегі ойындарды көруге әбден лайық. Алда үш матч бар. Қалпымызға келуге тырысамыз. Турнирлік кестеде жағдайдың қалай өзгеретіні тек өзімізге байланысты, — деді бас бапкер.

Еске сала кетейік, Қазақстан құрамасы Хернинг қаласында өтіп жатқан әлем чемпионаты аясында Даниядан 1:5 есебімен жеңіліп, элиталық дивизионнан түсіп қалу қаупіне тап болды. Келесі қарсылас — қазіргі әлем чемпионы Чехия. Бұл ойын 17 мамыр күні өтеді.