Абылайхан Жұбаназар дзюдодан әлем чемпионаты финалынан тыс қалды

Мажарстан астанасы Будапештте өтіп жатқан дзюдодан әлем чемпионатында Қазақстан құрамасынан бүгін, 16 маусымда Абылайхан Жұбаназар (81 келі) ширек финалдан тыс қалды, деп хабарлайды Sport12.kz.

Қазақстандық балуан 1/8 финалда қазіргі Еуропа чемпионы, ресейлік Тимур Арбузовқа (IJF) есе жіберіп қойды.

Ол бұдан бұрын алғашқы елдесуінде молдовалық Петру Пеливанды, екінші айналымында бразилиялық Габриэль Фалькаоны жеңіп, 1/8 финалға жолдама алған еді.

Ал ел құрамасынан Эсмигүл Куюлова (63 келі) әлем чемпионатын алғашқы айналымнан аяқтады. 

Енді ертең, 17 маусымда Мейірлан Максим (90 келі) татамиге шығады.

Сондай-ақ 18 маусымда Нұрлыхан Шархан (100 келі) және Марат Байкамуров (100 келі), 19 маусымда Ерасыл Қажыбаев (100 келіден жоғары) жүлдені сарапқа салады.

Қазірге дейін әлем чемпионатында ел құрамасынан Әбиба Әбужақынова (48 келі) күміс жүлдегер атанса, Мағжан Шамшадин (60 келі), Шерзод Давлатов (60 келі), Ғалия Тынбаева (48 келі), Ғұсман Қырғызбаев (66 келі), Есет Қуанов (72 келі) жарысты ерте аяқтады. 

Дзюдодан әлем чемпионаты 13-20 маусым аралығында өтеді. Онда 92 елден келген 566 спортшы 14 салмақта жүлдеге таласады.