Бүгін еурокубок ойындарының жеребесі тартылады

Бүгін, 17 маусымда Швейцарияның Ньон қаласында футболдан 2025/26 жылғы еурокубок ойындарының жеребесі тартылады, деп хабарлайды Sport12.kz. 

Биыл алматылық «Қайрат» Чемпиондар лигасында сынға түссе, «Ақтөбе» Еуропа лигасында, «Ордабасы» мен «Астана» Конференция лигасына қатысады.

Қазақстандық уақытпен 17:00-де «Қайрат» аталған турнирдің бірінші кезеңіндегі қарсыласын анықтайды. 

Ал Еуропа лигасының жеребесі 18:00-ге белгіленген. «Ақтөбе» еурокубоктағы жорығын бірінші кезеңнен бастайды. 

Сондай-ақ 19:00-де Конференция лигасы бірінші кезеңінің жеребесі белгілі болады. Онда «Ордабасы» жарыстың аталған сатысында қай командамен сынға түсетіні анықталады. 

«Астана» аталған турнирді екінші кезеңнен бастайды.