Шавкат Рахмонов Ислам Махачевтің жеңісіне қатысты пікір білдірді

UFC жұлдызы, қазақ спортшысы Шавкат Рахмонов Ислам Махачевтің соңғы жекпе-жегінен кейін твиттер парақшасында арнайы жазба қалдырды.

Отандасымыз Исламның өнеріне жоғары баға беріп, чемпиондық деңгейін мойындағанымен, 77 келі салмақтағы ең үлкен сынақ әлі алда екенін ашық айтты.

«Исламды құттықтаймын, керемет өнер көрсетті. Бірақ 77 келідегі нағыз сынақ — әлі де менмін», — деп жазды Рахмонов.

Бұл мәлімдеме жанкүйерлер арасында үлкен талқылауға себеп болды. Себебі UFC қауымдастығы көптен бері Шавкат пен Исламның дәл осы салмақтағы мүмкін жекпе-жегін басты интригалардың бірі ретінде атап келеді.

Рахмоновтың өзі де бірнеше рет чемпиондық белдікке бір қадам жақын тұрғанын көрсетіп жүр. Ал Ислам Махачев соңғы кездесуде өз шеберлігін тағы дәлелдеп, жеңіс сериясын ұзарта түсті.

Екі спортшының болашақта октагонда жолығуы UFC-дегі ең үлкен оқиғалардың бірі болатыны сөзсіз.

Біздің серіктес: 200 000 фрибетті ұтысқа саламыз – арнаға жазыл және батырманы бас