Бекзат Алмахан Дохада жеңіліс тапты: Топурия төрешілер шешімімен басым түсті

Қазақстандық файлтер Бекзат Алмахан (12–3) Дохада өткен UFC Fight Night 265 турнирінде кезекті жекпе-жегін өткізіп, грузин спортшысы Александр Топурияға (7–1) ұпай санымен жол берді. Үш раундқа созылған жекпе-жектен кейін барлық төреші жеңісті Топурияға берді. Бұл нәтиже Алмахан үшін UFC-дегі соңғы үш кездесуіндегі екінші жеңіліс болып тіркелді.

Алмахан жекпе-жек барысында белсенді қимылдап, қарсыласына қысым жасауға тырысты. Ол кей сәттерде қашықтықты қысқартып, соққы алмасуда өзін жақсы көрсете алды. Дегенмен Топурия тактикалық тұрғыда дәлірек әрекет етіп, жылдамдығымен және клинчтегі басымдығымен ерекшеленді. Грузин файтері қарсы шабуылдарды жақсы оқып, жағдайды толық бақылауда ұстап отырды. Нәтижесінде жұмыс қарқыны мен дәлдігі оған келісілген жеңіс әкелді.

Бұл жеңіліске қарамастан, Алмаханның UFC-дегі әлеуеті жоғары екені белгілі. Ол бұған дейін канадалық Брэд Катонаны небәрі 64 секундта нокаутқа түсіріп, жанкүйерлерді тәнті еткен болатын. Алайда Дохада сол қарқынды қайталау мүмкін болмады.

Алда Бекзатты қиын кезеңді еңсеру міндеті күтіп тұр. Ол жекпе-жек ұйымындағы жағымсыз серияны тоқтатып, қайтадан жеңіс жолына оралуға ниетті.

Біздің серіктес: 200 000 фрибетті ұтысқа саламыз – арнаға жазыл және батырманы бас