4 сағат бұрын
Жүзуден әлем рекорды жаңарды
Азамат Бақи
Фото: Michael Reaves / Getty Images
Париж Олимпиадасының үш дүркін чемпионы Саммер Макинтош 400 метрге еркін әдіспен жүзуден әлем рекордын жаңартты, деп хабарлайды Sport12.kz.
18 жастағы канадалық спортшы өз елінде өтіп жатқан 2025 жылғы әлем чемпионатына іріктеу турнирінде аталған қашықтықты 3 минут 54,18 секундта жүзіп өтіп, әлем рекордын тіркеді.
Бұған дейінгі рекорд төрт дүркін Олимпиада чемпионы, аустралиялық Ариарне Титмусқа тиесілі болды. Ол 2023 жылы Жапонияның Фукуока қаласында өткен әлем біріншілігінде 400 метрді 3 минут 55,38 секундта бағындырған еді.
Айта кетейік, су спорты түрлерінен әлем чемпионаты 11 шілде мен 3 тамыз аралығында Сингапурде өтеді. Ал жүзушілер жаһандық доданың жарыс жолына 27 шілдеден бастап шығады.
