6 сағат бұрын
Ақмарал Ерекешева көркем гимнастикадан жасөспірімдер арасындағы әлем чемпионы атанды
Фото: Olympic kz
Ақмарал Ерекешева көркем гимнастикадан жасөспірімдер арасындағы әлем чемпионатында тарихи алтын медаль жеңіп алды, деп хабарлайды Sport12.kz.
Болгария астанасы Софияда өтіп жатқан көркем гимнастикадан жасөспірімдер арасындағы әлем чемпионатында ол үш бірдей финалға бірінші орынмен жолдама алып, екі жүлдеге ие болды.
Доппен көрсеткен өнері үшін Ерекешева 26.150 ұпай жинап, әлем чемпионы атанды.
Сондай-ақ ол шығыршықтағы жаттығуда 26.950 ұпай жинап, күміс медаль жеңіп алды.
Айта кетейік, 22 маусымда Ақмарал Ерекешева таспамен, ал Айғаным Рысбек ұршықтармен жаттығу финалына қатысады.
